كشف كابتن نادي الزمالك محمود عبدالرازق شيكابالا، عن تفاصيل خناقة المباراة الأخيرة في الدوري، قائلا إنهم تحركوا من الفندق للاستاد، ومعهم أتوبيس صغير فيه أهالي اللاعبين، لكن الأمن رفض إدخالهم الاستاد.
وأضاف شيكابالا، خلال تصريحات ببرنامج "الحكاية" المذاع عبر
فضائية "إم بي سي مصر": "اللي معاه مراته ومامته وولاده، الأمن مش
عاوزين يدخلوا أتوبيس الأهالي، دخلت اللاعيبة، وطلعت برا الاستاد في الشارع، واقف
ساعة ونصف في الشارع مش عارف أدخل الناس، لحد ما اللاعيبة خرجوا لي برة".
وأردف: "لو حد بيعمل الدور ده مش هقف في الشارع أدخل الناس، وفيه
طبيب بنته عمرها 9 شهور هتتخنق في الباص، لكن برضو الأمن مش راضيين يدخلوه، والد
الونش أول مرة يحضر مدخلش، إخوة يوسف أوباما مدخلوش".
وأردف شيكابالا: "المباراة خلصت وحاسس كأن الناس بتقول السنة
الجاية هدوس عليكم، فخلاص منكسبش تاني".
وكشف شيكابالا عن أن الأمن منعه من إحضار فانلات الاحتفال.
وعن سبب قوله لأحمد مجاهد رئيس اللجنة الثلاثية لإدارة اتحاد الكرة،
إنه أهلاوي، قال شيكا: "قلت له حضرتك
أهلاوي مش عاوز تدخل الناس، قال لي إنه ملوش علاقة وإن الأمن هو المسئول".
وكشف شيكابالا عن أنه لم يكن موجودا وقت تسليم الدرع، مردفا: "التليفزيون
قطع ومصورش تسليم الدوري عشان حاجة معينة، مش عاوزين الزمالك يفرح".
