وجهت الفنانة الشابة سارة عبدالرحمن، رسالة خاصة للفنانة دلال عبدالعزيز، التي رحلت عن عالمنا يوم 7 أغسطس بعد صراع مع تداعيات فيروس كورونا المستجد.
وقالت سارة عبدالرحمن، في تدوينة عبر صفحتها الشخصية بوقع "إنستجرام"، مرفقة بصورة لها مع دلال عبدالعزيز: "يمكن لو كتبت استوعب؟ ماعرفش بس أما بفكر اكتب باحس إن مفيش كلام يكفي.. عشان اكون صريحة البداية ماكانتش حب من أول نظرة خالص.. أخدنا شوية وقت وكام موقف كدة عشان نحب بعض وشوية وقت كمان عشان نكون أصحاب.. بس بعديها عرفت يعني إيه صداقة ويعني إيه ضهر ويعني إيه لذاذة وضحك ويعني إيه بركة ويعني إيه تواضع ويعني إيه طيبة نقية كدة من غير أي حاجة".
وأضافت: كل دة كوم والحاجات اللي اتعلمتها في الشغل اللي هاتفضل حلقة في ودني كوم تاني. باكتب وبرضه مش قادرة لسا أصدق وعمالة اسمعك وأنتي بتقوليلي "ياللا يا نصاابة". ديدي، أنا بأحمد ربنا إني عرفت ملاك زيك وعمري ما هانساكي أبدا عشان أنتي ماتتنسيش. وحشتيني أكتر مانتي كنتي أصلا وحشاني.. بحبك".
وفاة دلال عبدالعزيز
ورحلت الفنانة دلال عبدالعزيز، متأثرة بمضاعفات فيروس كورونا المستجد عن عمر يناهز الـ61 عامًا، وشهدت جنازتها حضورا مختلفا لكل الأجيال الفنية والذين حرصوا على مواساة الفنانتين دنيا سمير غانم وشقيقتها إيمي.
