هنأ أحمد حسام ميدو، المدير الفني الأسبق لفريق الزمالك، القلعة البيضاء بقرب التتويج بلقب الدوري، بعد الفوز على سيراميكا كليوباترا 2 – 1.
وغرد ميدو عبر حسابه على "تويتر": "لما الأهلي بيكسب بطولة بنقول برافو الناس دي منظمين ويستحقوا.. الجديد اللي أول مرة أشوفه إن في أهلاوية كتير بيقولوا كلام غريب! لجنة الحكام وتعليمات من فوق".
وأضاف: "ليه الناس ماتقولش برافو الزمالك قفلوا على نفسهم واشتغلوا صح ويستحقوا يكسبوا.. الزمالك اشتغل صح وبعد عن المهاترات. الزمالك البطل".
وتابع: "مفيش مثالية في الحياة ولا طبعا في الكورة بس لازم نحترم بعض، واللي يشتغل صح نقدره ونسقفله.. الزمالك السنة دي وقع وقام وقف على رجله وهيبقى بطل الدوري.. البطل الحقيقي اللي لما بيخسر بيسقف للكسبان ويقوله مبروك أشوفك السنة الجاية.. هي دي روح البطل مش الكلام التعبان اللي بنسمعه!!".
وقال: "الزمالك فقد لاعبين مهمين في وسط الموسم، لكن رجالته كان عندهم إصرار إنهم يكسبوا ويعوضوا أي حد.. لسة الدوري مخلصش.. لسة 90 دقيقة.. قاتلوا حتى النهاية.. دوري السنة دي هيكون رسالة للولاد الصغيرة في النادي إن البطل لازم يقاتل مهما كانت الظروف".
