السيسى: "إزاى نربى أولاد أسوياء فى أوضة واحدة؟"

تطرق الرئيس عبدالفتاح السيسي، خلال كلمته في حفل الإفطار مع الأسرة المصرية على هامش افتتاح مشروعات الإسكان الاجتماعي، إلى قضية الزيادة السكانية.

وقال الرئيس السيسي: "أنا مش هزعل من حد أنا هزعل عليهم، اوعى تكون فاكر المطلوب لولادك أنك تأكلهم.. كثير من الأسر عايشة في أوضة أو أوضتين، الأولاد هيعيشوا إزاي؟ ويطلعوا أسوياء متوازنين إزاي؟".

وأردف الرئيس: "الأمانة تقتضي إننا نقول كيف نربي أولاد أسوياء، ولحل أزمة السكان، أنا عليا جزء وإنتوا عليكم جزء، النمو السكاني بياكل أي تنمية، أنت عايز كَامْ؟ عايز 10 أولاد؟ ولا اتنين متعلمين كويس وتقدر تديهم وقت كويس؟".

ودعا الرئيس السيسي، لنبذ التعصب، قائلًا إن التعصب معناه أن كل واحد في مكانه متمسك برأيه ويراه الأصح، مردفًا: "ممكن آراءنا كلها تكون صح، وكل وجهات النظر تُحترم، ومن حقكم تطلبوا من الدولة والحكومة تراعي مصالحكم، لكن عليكم جزء تقوموا به".