تامر حسنى لـ دنيا سمير غانم عن والديها: «أدوا رسالتهم»

وجه الفنان تامر حسني، رسالة للفنانة دنيا سمير غانم، في تعليقه على أول منشور لها بعد رحيل والدتها الفنانة دلال عبدالعزيز.

وقال تامر في تعليقه: "الله يرحمهم ويحسن إليهم واللي يصبرك يا دنيا إنهم هما الاثنين إن شاء الله وبرحمة ربنا مع بعض دلوقتي في عز شبابهم فرحانين وطبعا مفيش أجمل من إنهم راحوا عند اللي أحن عليهم من كل البشر".

وأضاف: "هما راحوا دار الحق يعني مفيش هناك غير كل حب وخير وصدق، حبايب قلبي أدوا رسالتهم مع بعض وراحوا لربنا مع بعض عشان يكملوا الحياة الأبدية مع بعض يا رب ارحمهم وتقبلهم في أعلى درجات الجنة".

كانت الفنانة دلال عبدالعزيز قد رحلت عن عالمنا يوم 7 أغسطس بعد صراع طويل مع المرض لتلحق بالفنان سمير غانم والذي رحل عن عالمنا في 20 مايو الماضي.