نجلة الفنانة الراحلة رجاء الجداوى تحكى ذكريات مؤثرة عنها (فيديو)

قالت أميرة مختار، ابنة الفنانة الراحلة رجاء الجداوي، إنها تشعر بحب غير مسبوق في كل من تتعامل معهم لوالدتها، معقبة: "هو ده اللي عايشين بيه، وهو ده الإرث اللي سابته شخصية وإنسانية رجاء الجداوي".

 

وأضافت أميرة مختار، عبر مداخلة هاتفية ببرنامج «صباح الخير يا مصر» المُذاع على قناة مصر الأولى، اليوم الإثنين، أن والدتها كانت فنانة عظيمة، لكن حبها للناس وقلبها المتسامح مثلا ذكرى عظيمة لوالدتها".

 

وتابعت: "لما كانت تعبانة كنت حاسة إن ليها 100 مليون ابن وابنة وحاسة إنهم هيفتقدوا شيء مهم جدا وكنت بشوف خلل في ناس عندها أكتر من 60 سنة، لأنها كانت تحتويهم".

 

وأكدت ابنة الفنانة الراحلة رجاء الجداوي: "النهاردة بقيت أحس إن العيلة والناس المقربة لينا أصبحوا بالآلاف، لأنهم مش سايبينها ومبقوا معيشنا أنا وبنتي حالة حب كبيرة، ومجرد ما أروح أي مكان ويتعرف أنا مين الدنيا بتبقى حاجة تانية عشان رجاء الجداوي.. بابا دايما كان بيقول أنا متجوز أجدع ست في مصر".