بقبلة على الخد.. أول تعليق من حسام حبيب وشيرين عبدالوهاب بعد أزمة التسريبات (فيديو)

شارك الفنان حسام حبيب، متابعيه، مقطع فيديو يجمعه بزوجته الفنانة شيرين عبدالوهاب، وابنتها، عبر حسابه على موقع التواصل الاجتماعي، وقامت خلال الفيديو بوضع قبلة على خده.

 

وقال حسام حبيب خلال الفيديو: "عمري ما عملت فيديو أرد فيه على أي حاجة اتقالت عليا، لكن أنا حابب أشكر كام حد وأقوله شكرًا أنكم طلعتوا أكرم وأجدع من الناس اللي بنفتكرهم علاقات دم وقرايب، وعايز أقول أنه مبحبش أدافع وأنا أكبر أخلاقًا بكتير من أني أتكلم وأدافع".

 

وأضاف: "أنا عارف أن أقرب الناس لينا زاقين ناس على ناس برضو قريبين مننا مع أنهم مش عايشين حوالينا، والناس دي كلها كان ليها مصالح أن شيرين تكون منتهكة ومش عارفة حقوقها، ولما جه بني آدم فهمها حقوقها، وهي أساسًا عندها شركة هي اللي بتدير أعمالها، وبيديرها فريق عمل محترف".

 

وتابع: "شيرين مش محتاجة حد يقولها تعمل إيه ومتعملش إيه، أنا اتجوزتها شيرين عبدالوهاب أنجح مطربة في الوطن العربي، ولو هي بعد الخبرة دي جت سلمت أمورها لحد يبقى هي ضيعت تعب ومجهود السنين هباءً، وأعتقد أن شيرين أكبر من كده".

 

وأردف: "شيرين بقت أدرى بأمورها وقادرة تسيطر عليها أكتر عشان الحنفية اتقفلت، هيفضلوا يعملوا الحركات دي أملا منهم في أنه لقدر الله العلاقة بينا تتأثر أو تنتهي، وأعتقد مفيش اتنين ربنا اختارهم لبعض ممكن يتفرقوا، أنا بقى عندي مشكلة في الثقة في الناس اللي حواليا، والشخص ده مش أول مرة يأذيني، وشيرين مش محتاجه حد يدافع عنها".  

 

واستطرد: "أنا قادر أجيب حقي لحد آخر نقطة بالقانون أيا إن كان من مين، لأن أساس القصة هما من أقرب الناس لينا، ومش هيفرق عندي صلة القرابة إيه طالما بيخرب بيوت وبيجيب سيرة أعراض، وتحدث عن والدتي التي تعد بمثابة شيئا غاليا عندي، وأن كل حاجة محترمة قد تعلمتها كانت من أمي، وهما منفصلين من 30 سنة".

 

واختتم حسام حبيب حديثه قائلًا: "شيرين ستعود بعمل قوى واطمنوا، ربنا هيجيب حقنا وإحنا قادرين إننا نجيب حقنا".