عفاف شعيب تكشف سبب خلافها مع المخرج محمد سامى: "قال بتدلع"

قالت الفنانة عفاف شعيب، إنها لا تكره المخرج محمد سامي، وإنما تكره تصرفاته وعصبيته.

وكشفت خلال حوارها مع المخرجة إيناس الدغيدي، في برنامج "شيخ الحارة والجريئة" المذاع عبر فضائية "القاهرة والناس"، عن سبب خلافها مع محمد سامي، قائلة إنها عملت معه في مسلسل آدم، وطلب منها أن "تنط" داخل بوكس الشرطة وكان عالي عليها ولا توجد سلالم.

وأضافت عفاف شعيب: "مشهد بيقبضوا عليا أنا وولادي، وفيه عربية بوكس وهي عالية أوي، مفيش سلم، قلت له هات سلم أو كرسي قال لا، وقالوا هنشيلك وإنت تطلعي، قلت مش هعمل المشهد، المنتج قال اليوم هيكلفني 150 ألف جنيه وخراب بيوت، واترجوني وقالوا عايزين نخلص وعايزين نقبض".

وتابعت: "قلت يا رب ساعدني وحياة حبيبك محمد، لقيت نفسي بنط داخل البوكس وسمعت صوت تكة في ظهري، تاني يوم كنت في العناية المركزة، كل اللي شغالين في المسلسل زاروني، إلا هو قال دي بتدلع"، معقبة: "أنا طول عمري ملتزمة في شغلي".