رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

عفاف رشاد تكشف كواليس إطلالتها الأخيرة المثيرة للجدل

ستوديو

قالت الفنانة عفاف رشاد، إن الجدل المثار عن ظهوري الأخير، يرجع إلى أنني فعلت مثلما يفعل الناس، معقبة: "غيرت صورة البروفايل على الفيسبوك وحطيت صورة تانية".

وأضافت في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على شاشة "ON": "عشان الفنانة عفاف شعيب جارتي وقريبة مني  وصديقتي  كانت دائما تقولي: عفاف إعملي شعرك  وحطي ميكب وماتقوليليش سنك الحقيقي".  

 

 

وتابعت: "لما عفاف قالتلي كدة  قلتلها أنا بعمل دور أم كتير وللمصداقية  لازم أظهر بشكل  يليق بدور الأم وسنها، في النهاية سمعت كلامها ورحت الكوافير تحت البيت وعملت شعري، زي ما قالت، ولما جه الكوافير يعمل الصبغة  قلتله مش هتبقى لايقة علي،  قال لي : "لا.. هتليق على بشرتك لأنك "بولنداية" وعملتها ".

 

 واصلت:  "بعد ماخلصت عندي جارة مغربية  شاطرة في " الميك أب"  قالت لي تعالي أعملك شوية ميك أب وعملتلي وبعدين صورني يوسف الفنجري صاحب ابني".

 

أكملت: "حطيت الصورة على الفيسبوك ونمت وفوجئت  باللي حصل.. وأنا ملياش خبرة في "السوشيال ميديا" أصلاً ولا عمري فكرت أعمل شهرة لنفسي ولا ألفت نظر الناس لي، فجأة لقيت الدنيا اتقلبت والناس بتقلي إنتي "تريند"، فاتخضيت وخفت وقلت أنا ست في حالي ومعايا   ابني أنا عملت إيه بس؟".

واستطردت: "ماعملتش "بوتوكس"  وسر جمالي إن ربنا حب يجبر بخاطري  فصحيت لقيت كل الناس بتتكلم عني، وحب يطبطب علي بكدة  لأني نمت وقمت لقيت كل الناس بتجيب في سيرتي  ربنا طبطب علي في اللحظة دي وكنت محتاجة طبطبة منه".