حلت
الفنانة نرمين الفقي، ضيفة برنامج "معكم" مع الإعلامية منى الشاذلي
المذاع على فضائية "cbc"،
وكشفت خلال الحلقة عن طفولتها، وعلاقتها بأسرتها، وكواليس علاقتها بوالدها الذي
رأته بعد غياب 16 عامًا، وغيرها من الأسرار والتفاصيل التي كشفتها خلال حلقة
البرنامج.
طفولتها
تحدثت نرمين الفقي، عن طفولتها قائلة: "كنت شقية وأنا طفلة بشكل غير طبيعى وكنت عاملة
زى الولاد".
وتابعت: "ووالدتى
لما كانت بتيجى تاخدنى من المدرسة وتسأل عليا يقولولها فوق الشجرة بتحدف العيال بالطوب،
ووالدتى كانت حريصة أتعلم الجمباز والرياضة من صغرى".
علاقتها
بأسرتها
قالت نرمين الفقي:
"والدى ووالدتى كانوا منفصلين من صغرى وعشت مع والدتى أكتر، ودى حياة محدش يعرفها
عنى، لأنى عشت مع جدى وجدتى ووالدتى في الإسكندرية وكانوا هما وقتها اللى بيحتضنونى
ولما بدأت أكبر ملقتش إن في أب فعرفت إنهم منفصلين ووالدى مسافر برة على طول ومش بييجى".
وتابعت:
"يمكن اللى خلى عندى نوع من التوازن لأن عيلة والدتى كان عندى منها بدل الأب
4، وزوج خالتى كان الخامس وعمرهم ما حسسونى بأى حاجة نقصانى وبيحاولوا يعوضونى ولكن
طبعا مفيش حاجة زى الأب خاصة لو كان عايش".
مرض
والدتها
أشارت
نرمين الفقي، إلى أن مرض والدتها كان سببًا في غيابها عن الوسط الفني لعدة سنوات حتى
عادت مرة أخرى مع مسلسل "جبل الحلال" بطولة الفنان محمود عبد العزيز عقب
وفاة والدتها.
ووجهت الشكر
لكل من الفنانة حنان شوقي والفنانة شيرين لسؤالهما عنها خلال مرض والدتها.
رؤيتها
لوالدها
قالت نرمين
الفقي: "فى مرحلة ما كان عندى 16 سنة كان بداية تعب والدتى وإصابتها بورم وكانت
دى أول مرة أشوف والدى وقتها في المستشفى لما رجع مخصوص لما عرف إن والدتى تعبانة،
وعشان كان لازم تسافر تعمل العملية كان لازم أروح أقعد في بيت عمتى ودى كانت أول مرة
أشوف عيلة والدى، كنت وقتها في الثانوية العامة، وكنت متخوفة في الأول ولكن هي وزوجها
مكنوش عارفين يعملوا إيه ولا إيه معايا، وكان في كمية من الحب والعطاء غير طبيعية".
وأضافت نرمين
الفقي: "طبعا كنت زعلانة بقالى فترة كبيرة، ولكن ربنا يديله الصحة دلوقتى فى آخر
كام سنة بقى في شوية حب جوايا وجواه وقدر يقرب منى ويقربنى له، وأنا للأسف مليش إخوات".
أعمالها
المتنوعة
قالت نرمين
الفقي، إنها كانت تحاول الانتقاء في أدوارها الفنية بقدر المستطاع وتبحث عن التنويع
في أعمالها بهدف تحقيق الإضافة لرصيدها الفني.
وأضافت: "ببقى
مبسوطة بالأعمال اللي بقدمها، لكن بحزن لما بيجيلي دور مينفعنيش، ليه حاطني في الكادر
ده، أنا ممكن أقعد في بيتي معززة مكرمة، أنا فنانة بمثل بقالي 23 سنة".
السوشيال
ميديا
قالت نرمين الفقي: "دخلت مؤخرا
عالم السوشيال ميديا وحسيت إن التواصل مع الناس حاجة لطيفة بس لازم يكون الواحد حذر
جدا، لأن ممكن حد يقول كلمة مش كويسة".
وبسؤالها عن آخر رسالة تلقتها من معجب،
قالت: "تلقيت أغنية للمطربة نجاة الصغيرة، وهو إعجاب من طرف واحد ولكنه إنسان
محترم جدا ورديت عليه شكرته".
أول وآخر عريس رفضتهما
بسؤالها عن أول وآخر عريس رفضتهما،
قالت نرمين الفقي : "أول عريس كان ابن الجيران ووالدتى رفضته عشان كنت لسه صغيرة،
بس هو كان من عائلة محترمة في الإسكندرية".
وتابعت: "أما آخر عريس رفضته فبعتله ردى في رسالة وقلتله آسفة مش هاقدر أرتبط بيك، ورد قالى ميرسى على ذوقك وأخلاقك وخلاص".
