حلت الفنانة
الشابة مريم الخشت، ضيفة الإعلامية سمر يسري ببرنامج "يوم ليك" المُذاع على
قناة "الحياة"، وكشفت خلال البرنامج عن أيقونة الأنوثة بالنسبة لها،
ودخولها عالم التمثيل، وكيف غيرت النجمة أمينة خليل حياتها، وغيرها من الأسرار
والتفاصيل.
أيقونة
الأنوثة
قالت مريم
الخشت، إن سعاد حسنى هي الأيقونة بالنسبة لها، كما أن الفنانة محسنة توفيق من الفنانات
صاحبات الموهبة الكبيرة جدا.
وأضافت مريم
الخشت، لما شوفت مسلسل "جراند أوتيل" بقى نفسى أشتغل مع المخرج محمد شاكر
خضير، والحمد لله حصل ولكن مشبعتش من الشغل معاه.
قضايا
المرأة
قالت مريم
الخشت، أنا بركز مع المرأة ودايمًا بتناقش في قضايا المرأة خاصة لو استفزتنى، ونقدر
نقول إننا بدأنا نشوف ردود أفعال من الناس على ظاهرة التحرش، وكويس أنه بقى في لغة
حوار في الموضوع ده في الفترة الأخيرة.
وتابعت: "نفسى
كمان أشتغل مع المخرجة كاملة أبوذكرى وهانى خليفة والمخرج محمد ياسين".
تعرضها
للتحرش
قالت مريم
الخشت: مفيش واحدة متعرضتش للتحرش وعلى الأقل تحرش لفظى وأول تحرش استحالة يتنسى، وأنا
حصلى تحرش لفظى كتير، وحصلى كمان تحرش وتطاول جسدى في الشارع سواء كنت لوحدى أو معايا
واحدة صاحبتى.
وتابعت: "في
مرة كنت ماشية مع واحدة صاحبتى وكنت جنب بيتى في الدقى، وجه واحد في وشنا وقرر يعدى
من وسطينا وطبعا مش هايعدى وهو ساكت ولكن مش هاقول تفاصيل، وبسبب عدم تصديقنا وقفنا
اتصدمنا، وأنا مكنتش لابسة حاجة تستفزه ولو حتى لابسة فهو اللى غلطان".
أشهر صوت
في مصر
أكدت مريم
الخشت، أنها كانت أشهر صوت في مصر دون أن يعرف الجمهور اسمها، بعد استعانة عدد كبير
من شركات الاتصالات والمطاعم بصوتها في خدمة الرد الآلي.
وتابعت: في
2016 واحدة صاحبتي كلمتني وقالت لي مش عاوزة تمثلي فقلت لها آه عاوزة وقالتلى أنا شغالة
دلوقتى مع تامر حبيب وفى شخصية حاسة أنه إنتى وأنا هابعت لهم صورك ومكلمتنيش تانى وقتها،
ولغاية لما جه شهر رمضان وشفت "جراند أوتيل" واكتشفت أن هو ده المسلسل ومفهمتش
حصل إيه ومحدش كلمني ليه بس دمى اتحرق أوى وقتها.
دوبلاج أفلام
الرسوم المتحركة
قالت مريم
الخشت، إنها شاركت في دوبلاج أفلام الرسوم المتحركة وهي بعمر عشر سنوات، وظلت فترة
طويلة من حياتها الناس تعرف صوتها ولكن لا تعرف اسمها أو شكلها.
وأوضحت أن حياتها تغيرت بعدما وضعت لايك على منشور للنجمة أمينة خليل تطلب فيه الاستعانة بوجوه جديدة، معقبة: "أنا أعرف أمينة خليل من زمان، ودايما في بالى إنى مش عاوزة أمثل، رغم إنى كنت بعمل حاجات بسيطة في المدرسة زي المسرح المدرسي، ودوبلاج الرسوم المتحركة والأفلام القصيرة، ولكن من جوايا مش عاوزة أكون ممثلة".
