رئيس مجلس التحرير
د.محمد الباز
رئيس التحرير
وائل لطفى

«عضيت كلب وحلقت زلبطة كعقاب».. أبرز تصريحات خالد الصاوي وبشرى في «سهرانين»

ستوديو
طباعة

حل الفنان خالد الصاوي والفنانة بشرى، ضيوفا على الفنان أمير كرارة ببرنامج «سهرانين» المذاع على قناة «أون»، وقال إن زوجته جاءت له في الوقت المناسب الذي يستطيع فيه الحفاظ عليها وعدم خسارتها بسبب بعض السلبيات والعيوب التي كان يعاني منها خلال فترة من حياته.

«عضيت كلب لما عضني.. ومراتي وش الخير»

وأضاف: «مراتي والشهرة والنجاح والفلوس كله جالي في الوقت المناسب.. ولو كنت قابلت مراتي من زمان كنت هبوظ الدنيا ومكنتش هعرف أحافظ عليها وكنت هضيعها من ايدي وكمان الشهرة والنجاح والفلوس».

وكشف الفنان خالد الصاوي عن طريقة تعامله مع الكلب في حالة هاجمه أو تعرض للعقر منه، قائلًا: «أنا طبيعتي واتخلقت أن لو الكلب عضني أعضه ولو ضربني أضربه».

وكشف أنه في الحقيقة قام بعض كلب، مرددا: «في الحقيقة أنا عضيت كلب لما عضني هو اللي خلاني أعضه، وكنا انا وهو صغيرين، ولما تضربني بالبوكس بتديني السلاح اللى أضربك بيه».

«علاقتي انتهت بالمدرسة من أول يوم حضانة»

وأضاف: «علاقتي بالمدرسة انتهت من أول يوم في أولى حضانة، مفيش عمار بينا، وليه يلبسوني مريلة، مش المفروض الولاد تلبس لبس مختلف عن البنات؟ وليه الطوابير؟ وفي الآخر ندخل في أوضة ضلمة، اللي هي الفصول، أنا بروح مندمج ومبسوط ومستني، وبجري مع أصحابي وفجأة بيجروا ورانا عشان بنعمل شقاوة، ده احنا عيال، كانوا بيقعدوني ورا لغاية ثانوية عامة».

اتعزلت لوحدي عشان أقدر أعمل دوري في «الفيل الأزرق»

وعن شخصية «نائل» في فيلم «الفيل الأزرق»، قال: «الطريقة اللي اشتغلت بها على الدور ده كان فيه غشومية واستغباء، لأنه مينفعش أنك تقعد كذا يوم صاحي عايز تتفرج عشان عقلك الباطن يشتغل، فتقعد تتفرج على 50 أو 60 لبس على مستوى العالم كله، حتى لو الواحد عارف أنها أمراض نفسية، ولما روحت البلاتوة طلبت أن يكون ليا أوضة أقعد فيها يومين أو تلاتة زي العزل لوحدي، عشان أعيش الجو».

وعن خوفه من الحسد، أضاف أنه لم يكن يركز مع الحسد، قائلا، في أول الجواز لقيت تيشيرت جديد فيها كده قطع شبه العين والحسد مذكور بس مكنتش شايفه لأن فى الأول مكنتش بركز لكن دلوقتى بقيت بركز، ومراتى وشها حلو عليا، بس جالنا كده وقت نسافر أى بلد يحصل مصيبة حريق زلزال، معرفش ايه اللى بيحصل وقتها.

خاتم خطوبتي اتكسر بسبب الحسد

وتابعت «بشرى» أنها تعرضت أيضا للحسد وبعد خطوبتها في مهرجان الجونة خاتم الخطوبة اتكسر، وعن أكثر حاجة افتقدتها في كورونا، قالت: «السفر بس برضه حبيت قعدة البيت وأقعد مع أولادى».

ومن جانبه، قال خالد الصاوى، هنخلص على كورونا وهتعدى، وإحنا شعب عندنا فسيخ يعنى هتخلص كورونا من البلد.

«حلقت زلبطة مرتين منهم واحدة عقاب»

وعن عقابها وهي صغيرة بحلق شعريها كاملا، قالت: «صح، مرتين، مرة علشان شعري يتقل، ومرة عقاب، وده كان تقليد عندنا في العيلة في وقت من الأوقات، أعاقبك لكن حاجة تفيدك في المستقبل، ماما كانت مسافرة، وكنت عند خالتي وجوز خالتي، وماما اتفاجئت بالتصرف ده».

وكشف الفنان خالد الصاوى، عن التحضير لمفاجأة خطوبة صديقته الفنانة بشرى في الجونة وعلاقته بخطيبها، مؤكدا أن خطيبها سالم هيكل، رجل جميل وأفكاره مختلفة، وفضل أن يفاجئ بشرى بطلب خطوبتها أثناء مهرجان الجونة وطلب منه أن يساعده.

وأشار خالد الصاوي إلى أنه ظل يحضر لهذه المفاجأة أيام مع أصدقائها المقربين حتى تكون مفاجأة كبيرة، مضيفا أنه كان خائف جدا من رد فعل بشرى لأن شخصيتها أحيانا اندفاعية.

من جانبها، قالت بشرى، إن سالم هيكل كان صاحب عمرها وتفاجأت بطلبه لخطبتها ولم تتمكن من الاعتراض لشدة حبها له، قائلة: «أحلى مفاجأة حصلت لي».

إرسل لصديق

التعليقات