تامر أمين يعتذر للصعايدة: متزعلوش وجزمتكم على راسي (فيديو)

عرضت فضائية "النهار"، اليوم الجمعة، مقطع فيديو للإعلامي تامر أمين متقدمًا باعتذار لكل أهالي الصعيد.

 

وقال الإعلامي تامر أمين، خلال الفيديو: "أنا حابب أبدأ الفيديو باعتذار واضح وصريح لا لبس فيه لكل أهالينا في الصعيد وفي كل مكان في مصر زعلانين مني، أنا لا هكابر ولا هقاوح".

 

وأضاف: "أنا من الناس اللي بتعتذر لما تحس أن الناس زعلانة منها، حتى لو والله نيتي يعلمها ربنا أنها خير وأن الهدف المصلحة العامة، أنا أكتر حاجة تضايقني في الدنيا أنه واحد صعيدي أو واحدة صعيدية يزعلوا مني، أنا من أكتر المؤمنين بالصعيد، واحترام الصعيد، وعزة نفس الصعيد، وكرامة الصعيد، وأصل الصعيد، لأن صعيد مصر هو أصل مصر، وهو اللي طلعلنا كل القامات والأدباء والمفكرين والناس الشريفة المحترمة".

 

وتابع: "أنا لم أقصد الإهانة أبدًأ دي آخر حاجة تيجي على دماغي، وآخر حاجة في الدنيا أكون حاببها إن حد صعيدي يكون زعلان مني، وبأقول لكل صعيدي وصعيدية جزمتكم على رأسي من فوق، وأنا ابنكم، وأنا ابن ريف مصر، ونسايبي أساسًا من الصعيد ومرات أخويا من الصعيد وبتشرف بيها، وبتشرف بالنسب ده، وأرجوكم متزعلوش مني".