رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

هكذا التحقت سلمى أبوضيف وهدى الأتربى وثراء جبيل بـ«عالم الفن»

ستوديو

روت الفنانة الشابة سلمى أبوضيف، كيفية دخولها مجال التمثيل من عالم الموديل، ورحلتها للولايات المتحدة الأمريكية، وحبها لكل من النجمة يسرا والنجمة هند صبري. 
 
وقالت سلمى أبوضيف، خلال لقائها في برنامج "صاحبة السعادة" للنجمة إسعاد يونس، المذاع على قناة dmc: "أنا بحب الموديل جدا، بس الطول كان مشكلة بالنسبة ليا عشان قصيرة، سافرت أمريكا، وقدمت في 22 وكالة وكلهم رفضوني، اعترضت، وكتبت جواب لـvogue new York وكتبت القصة على "إنستجرام" وفى الآخر اللى بعتلها الجواب عملت ليا بلوك".

كما كشفت الفنانة الشابة هدى الأتربي، كيف دخلت مجال التمثيل بعد دراسة الحقوق وعملها في دبي.

وقالت هدى: "بعد التخرج سافرت دبي واشتغلت في مجال العقارات شوية لحد ما قابلت حد عارف إنى بحب التمثيل أوى وعرض عليا المشاركة فى فيلم قصير وبعد كده نزلت مصر ودخلت ورشة تمثيل وبعدها عرض عليا مشهد فى مسلسل" أهو ده اللى صار" للمخرج حاتم علي والدور كان 3 حلقات وكنت مبسوطة أوى ولما شافنى المخرج وقتها أعجب بطريقة تمثيلى وعرض عليا دور آخر فى المسلسل وصل 22 حلقة واعتذرت عن الشغل وبعد كده دورى فى المسلسل راح لحد تانى وجالى إحباط جامد".

وتابعت: "وبعد كده جالى مسلسل طلعت روحى و"كلبش 3" و"مليكة " والحمد الله ربنا عوضنى والبداية اللى بجد ليا مسلسل "ختم النمر" للنجم أحمد صلاح حسنى والناس بدأت تعرفنى ودورى كان مؤثر أوى ومشاركتى فى مسلسلى خيانة عهد وفرصة تانية كانت الاستفادة منها كبيرة جدا، ومهرجان الجونة اتخضيت من اللى حصل أنا روحت الريد كاربت وروحت مسكت الموبايل لقيت الدنيا مقلوبة وتريند ومكنش فى بالى حاجة".

أما الفنانة ثراء جبيل فقالت: "أول حاجة عملتها مسلسل "ذات"، ودرست أوبرا واتعلمت باليه ودائما عايزة أعمل الأنشطة اللى بحبها، وبعد ما اشتغلت ممثلة مكنتش عارفة أنظم أكلى والتمثيل خدنى من الأنشطة اللى بحبها، وطريقى كان أجمل مسلسل مثلت فيه، ومسلسل بحبه أوى، ودائما بحب المشاهد اللى فيها مساحات واسعة لإظهار المشاعر، والمسلسل كان كله مشاعر".