مي فاروق: بغني وانا عندي 8 سنين واتأثرت بـ ليلى نظمي
حلت المطربة مي فاروق، ضيفة على برنامج "لايف من الدوبليكس"، والذي تقدمه الدمية الشهيرة، "أبلة فاهيتا"، وكشفت عن أسرارها، وقدمت العديد من الأغاني الطربية والتي تخللها الحس الكوميدي.
وبدأت المطربة مي فاروق حلقتها، بأغنية "كل ده كان ليه" للموسيقار الراحل محمد عبد الوهاب، وسط تفاعل الجمهور الحاضر بالاستوديو.
وقالت مي: "أنا بغنى من صغرى، وأنا عندى 8 سنين كنت بغنى في البيت الأول وبعد كدة روحت غنيت في الأوبرا، وكل مطربى الأوبرا وقورات جدا، وكنت بسمع فى صغرى أغانى أطفال للفنانة ليلى نظمى وصفاء أبو السعود وكنت بسمع كمان أم كلثوم وليلى مراد".
وأضافت:" تأثرت كثيرا بالمطربة ليلي نظمي وكنت بحب الفيل أبو زلومة وكنت بقعد أغنيله في البيت".
مي فاروق: بحقد على مغنيين المهرجانات وبتغاظ منهم
سخرت أبلة فاهيتا من المطربة مى فاروق، خلال حلقتها في "الدوبلكس" المذاع على قناة ON، بسؤالها عن أن مطربى المهرجانات يقودون سيارة أكس 6، في ظل قيادتها سيارة فيرنا، علقت قائلة: "بحقد عليهم وبتغاظ، ومقدرش أعمل مهرجانات مينفعش يركبوا على بعض".
وتابعت: "جربت أغنى شعبى في البيت، لأن الغناء الشعبى حلو جدا وفى طرب برده، وبحب أسمع أحمد عدوية وعبدالمطلب ومحمد قنديل، وفى نجوم كتير للغناء الشعبى".
وغنت المطربة مى فاروق، خلال لقائها في برنامج "الدوبلكس" تقديم أبلة فاهيتا، المذاع على قناة ON، أغنية "ما بلاش اللون ده معانا" على ألحان "بتسأل ليه عليا"، كما غنت أغنية "يا بنت السلطان" على ألحان "يا ستي يا ختيارة"، كم غنت أغنية "3 دقات" على ألحان "مشكلنى"، وغنت "آه لو وصلت يا مصل" على ألحان أغنية "اه لو لعبت يا زهر".
وأشعلت المطربة الشابة مي فاروق استديو الدمية الشهيرة أبلة فاهيتا "لايف من الدوبلكس" المذاع على قناة "أون إي"، وذلك بأداء أغنية "آه لو وصلت يا مصل" على ألحان أغنية "آه لو لعبت يا زهر".
وجاءت كلمات الأغنية: "اللي خالط حد ما بينامشي ما بالك اللي الأعراض فيه.. ملعون أبوك يا كوفيد الترمومتر في بوقي ماشي بيه ليل ونهار.. ملعون أبوكي يا كورونا قشف الكحول مرار.. آه لو وصلت يا مصل وبقيت في كل مكان وتغور خلاص الموجة وحشتني أنا الأحضان.. لأقلع كمامتي وأظهر بوشي زي زمان وأخرج مامتي تاني وحشها أوي أركاااااان وأسلم بالإيد عادي وأمسك أوكر البيبان ولو حد عس أو كح مش هكون قلقان وأحضن أنا وأبوس البواب والجيران.. الحبسة وحشة آه وياما طلقت عرسااااااان.. يلا يا مصل يا حبيبي انجز تعالي بسرعة خلاص بنعجز نفسنا نرجع زي الأول بس المصل ده شكله مطول لأ ومصيبة جديدة في لندن الفيروس هناك متحور".
