رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

الباز يوضح معنى اسم برنامجه الإذاعي «مش حسبة برمة»

ستوديو

قال الدكتور محمد الباز، رئيس مجلسي إدارة وتحرير جريدة "الدستور"، إن البعض تساءل عن معنى تسمية برنامجه الإذاعي "مش حسبة برمة".


وأوضح الباز، خلال برنامجه الإذاعي "مش حسبة برمة" على إذاعة "نغم إف إم"، أن كلمة "حسبة برمة" تقال على "حاجة عويصة أو مش مفهومة".


وتابع: "الحكاية ببساطة (برمة) دي بلد في الغربية، فهناك قرية برمة، البلد مشهورة بالفراخ، وطبيعي الناس تتاجر في البيض، فكانت واحدة رايحة وشايلة كمية كبيرة من البيض، فواحد راكب عجلة خبط فيها، ووقع البيض واتكسر، فالناس وقفت مع الست وقالت لها هنعوضك، وسألوها كام بيضة معاكي؟، فالست قالت معايا رقم لو قسمناه على 3 يتفضل واحد ولو قسمناه على 4 يتبقى واحد، ولو قسمناه على 5 يتفضل واحد، ولو قسمناه على 6 يتفضل واحد، لكن لو قسمنا الرقم على 7 مش هيتبقى واحد".


وواصل: "الناس اللى واقفين قالوا هي مش حسبة برمة؟، ما تقولي اللى كان معاكي وخلاص، وكان في النهاية معاها 301 بيضة".