نشر الفنان رامي صبري فيديو للفنان الراحل عامر منيب عبر حسابه الشخصي عبر موقع التواصل الاجتماعي لتبادل الصور والفيديوهات إنستجرام.
وكنوع من الوفاء منه للراحل عامر منير، تذكره بكلمات مؤثرة وعلق على الفيديو قائلًا: "يا حبيب قلبي وحشتني".
يذكر أن الفنان رامي صبري، أكد أنه لا يريد إضافة أي تفاصيل جديدة تخص أزمة أغنية "شكرًا" لـ عمرو دياب، التي أثارت ضجة خلال السوشيال ميديا.
فكتب الفنان رامي صبري، عبر صفحته الرسمية على "الفيسبوك": "ولتاني مرة الملحن عزيز الشافعي يأخذ أغنية مني وإحنا شغالين فيها ويديها لفنان تاني وهو الفنان عمرو دياب بنفس الشكل التوزيعي والموزع أغنية شكرا كده للي سبنا، أغنية زي مانتي، لذلك قررت عدم التعامل معه مرة أخرى"، ومن ثم قام بحذف المنشور.
بينما رد عزيز الشافعي، من خلال حسابه الرسمي على "الفيسبوك" قائلًا: "مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان وبيزود رصيده مع الناس، بيعز عليه بعد كدة يقلل منه حتى لو تجاوز".
وتابع: "رغم إن كلامه كله (مالوش أي أساس من الصحة)، أحب دايمًا أشوفه ناجح وبيكمل اللي عملناه، وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بإننا منشتغلش تاني ونكتفي بنجاحاتنا".
بينما أنهى حديثه: "وبعتذر للصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي تامر حسين على صفحته عن أغنية #شكرا، أما بخصوص زي مانتي ف ممكن ترجعوا للصديق المشترك محمد حامد وتسألوه، وشكرا لحد كدة".
