نشر الفنان محمد محمود عبدالعزيز صورة تجمعه بوالده، عبر حسابه الرسمي، بموقع تبادل الصور والفيديوهات إنستجرام.
واحتفل مع والده كعادته السنوية ببدء العام الجديد، معلقًا عليها قائلًا: "سبحان الله، بدور على صوره حلوه ليا مع أبويا عشان تبقا أول صورة فى السنة الجديدة، لقيت موبايلى القديم بالشاحن بتاعه، مش عارف إيه اللى خلانى أفتحه، بس لما فتحته عرفت انى زى ماكنت بافكر فى أبويا هو كمان حس بيا وكان عايز يعيد عليا بمناسبة السنة الجديدة".
وتابع: "زى عادتنا يا حاج أول صورة فى السنة الجديدة ربنا ما يقطعلنا عادة، كل سنة وحضرتك طيب وفى أمان و فى مكان أحسن من اللى إحنا فيه بكتير يا أبويا و صاحبى وأخويا وسندى وضهرى وأمانى".
ووجه تهنئة بمناسبة العام الجديد لمتابعيه: "كل سنة وحضراتكم جميعًا طيبين وبخير وإن شاء الله تبقا سنه مليانه خير لينا كلنا.. أسألكم الفاتحة والدعاء لأبويا ولكل من رحلوا عنا".
