روى الفنان بيومي فؤاد، ذكريات احتفاله بليلة راس السنة مع زملائه خلال سنوات الدراسة، قائلا: "زمان مع شلة الثانوي وشلة الجامعة كنا بنروح في ليلة رأس
السنة مسرح أو سينما أو نصيع في وسط البلد وأوقات كنا بنلف على زمايلنا".
وأضاف بيومي فؤاد، خلال لقاءه ببرنامج "الحياة اليوم" المذاع عبر
فضائية "الحياة" مع محمد شردي ولبنى عسل، مساء الخميس: "منساش ليلة
رأس سنة كنا في مسرح الكلية ولمينا من بعض فلوس وجبنا ساندوتشات برجر"،
معقباً: "التيك أواي بينتصر في اليوم ده خصوصا ًمع الناس اللي قاعدة في البيت
ومتعودة تاكل الأكل البيتي".
وتابع: "بنحس إن الاحتفال بليلة رأس السنة مش شرقي وبالتالي بنروح للأكل اللي مش شرقي، أنا بحب أكل البيت لكن بشتاق للأكل الجاهز أوقات".
وأردف: "أول حاجة بشتاق لها لما بنزل مصر حتى لو كنت في دولة عربية،
هو الفول اللي على العربية لأن فول المحل يختلف عن الفول اللي على العربية".
