قالت الفنانة زينة، إن الفنان تامر حسني بالنسبة لها يمثل عشرة عمر وأخًا، معقبة: "إحنا مع بعض عائليًا وأسريًا من زمان، وهو الوحيد اللي شاف أبويا وقعد معاه، ودخل بيتي ودي حاجه نادرة".
وأضافت زينة، عبر مداخلة هاتفية ببرنامج "ET بالعربي"، اليوم الأربعاء، أن تامر في مشكلة شقيقتها كان موجودًا قبلها، متابعة: "معنديش عمر تاني أعوض بيه تامر، اللي فات من عمري مضمنش أنه هيجي قده تاني، أعرف أعوضه بصديق زي تامر".
وأكدت: "عمر الصداقة دي ما هتتحول، ولا عمر حد هيأثر عليها، ولا إحنا بنسمع لحد، وإحنا في حالنا، وهو في حاله وفي شغله، وأنا كمان في حالي وبيتي وشغلي، إحنا حريصين على بعض جدًا، ومش من حق حد أنه يتدخل في خصوصية حد".
وتابعت: "تامر راجل عنده بيت وأسرة وزوجة وأولاد، وحياة خاصة بيه هو، وهو صارم جدًا في بيته ولا يسمح بتدخلات أي حد في حياته الشخصية، وأنا بحترم ده جدًا فيه، ومش من حقي أني اتكلم في حياته الشخصية".
