كشفت غادة العريان، زوجة نبيل شقيق المخرج طارق العريان، سر دفاعها عن الفنانة السورية أصالة بعد أزمتها الأخيرة، مؤكدة أنها تعرضت للظلم، والعائلة كلها وقفت بجوارها في أزمتها.
وقالت خلال تصريحاتها لبرنامج "et بالعربي"، إن الخلاف بين طارق وأصالة مستمر منذ عام ونصف، وأصالة كانت إنسانة جميلة جدًا مع عائلة العريان، ووقفت مع كل شخص في العائلة.
وأضافت: "أنا واقفة في صف أصالة، لأنها اتظلمت في العلاقة دي، وحبت طارق العريان كتير، وفي الآخر حصلت مشاكل بينهما، وبقالها سنة ونص مستنية طارق يطلقها، وهو لسه مطلقها تقريبا من 10 أيام، وهي كانت لأخر وقت قاعدة متكلمتش".
وتابعت: "طارق بعد الطلاق يعتبر حر، حر مع أصالة بس مش مع أولاده، الصورة دي هتضر الأولاد، الصورة دي ضرر للأولاد أكتر من ضرر لأصالة، الأولاد بقوا عارفين أن الست دي كانت السبب في خراب البيت بين أمهم وأبوهم".
واستطردت: "نيكول سعفان أكيد كانت السبب وراء الخلاف بين أصالة وطارق العريان، أصالة اتحملت كتير، وعائلة طارق كلها ادخلت في الموضوع، لكن طارق العريان مش راجل صغير، طارق عنده أخ نزل من أمريكا عشان خاطر الموضوع ده، أخته وأخوه وكل العيلة تدخلت في الموضوع ده، عشان خاطر الأولاد وخراب العيلة، لكن محدش يقدر يفرض حاجة على حد".
