بعد تعرض ابنتها وفريق كرة القدم للبنات للتنمر.. نادرين فرج: «عيب»

استنكرت الإعلامية نادرين فرج، تعرض ابنتها وفريق منتخب البنات المصري لكرة القدم، للتنمر بعد مباراتهن ضد منتخب لبنان.

ونشرت نادرين فرج، صورًا من تعليقات التنمر على الصورة التي نشرتها عبر خاصية الأستوري بصفحتها الشخصية بموقع "إنستجرام"، وعلقت عليها قائلة: "عمري ما كنت أتخيل إني أكتب على بوست، بنتي الصغيرة فيه، إيه التعليقات المهينة دي لبنات عندها 16 و17 سنة وكمان بتلعب باسم بلدها حاجة محزنة".

وأضافت: "تفتكروا منتخب مصر للبنات واللي بنتي واحدة منهم، بيفكروا في إيه بعد ما قرأوا كل التعليقات غير المقبولة عليهم بعد الماتش إمبارح من شباب بلدهم".

وتابعت: "وكل ده علشان هما بنات لأنهم لو كانوا ولاد كانوا نفس الشباب دول نزلوا يهتفوا في الشارع من الفرحة، حاجة محزنة جدًا ومقرفة جدًا إنك تقرأ كلام كله قلة أدب وقرف عن بنات زي الفل وأحسن وأجدع وأشطر وأنجح من كل واحد شارك في كتابة تعليق وتريقة على بناتنا عيب".