قال المطرب حسام الشرقاوي والد الطفل محمد، صاحب فيديو "بسنت وياسين": "أنا بغني
بقالي 15 سنة وليا نجاحات وترندات كتيرة قبل كده".
وأضاف خلال مداخلة هاتفية ببرنامج
"حضرة المواطن" المذاع عبر فضائية "الحدث اليوم" مع الإعلامي
سيد علي، مساء السبت: "ابني نجم من وهو عنده 3 سنوات وكان بيطلع معايا في برامج
مع أكبر نجوم مثل نجوى فؤاد، ميسرة، سامح الصريطي ، يعني ابني موهوب".
وتابع: "ابني عنده قصة كلام قالوا وضحكني، والكلام ده أنا صورته،
وأنا مصمم لحد الآن إن ابني مقالش حاجة خادشة للحياء، ولا قال حاجة عيب ولا
حرام".
وأردف: "لو المجلس القومي للطفولة والأمومة شايف غير كده فأنا أحترم
قراره وأحترم قوانين بلدي، وأي حاجة شايفني أخطأت فيها فهم أكيد على حق".
وعن الفيديو الخادش، قال: "هاتولي الكليب وقولولي إنت غلط هنا لكن
كلام بدون أدلة مينفعش، المفروض نتأكد من المعلومة بعدين نقولها".