نشرت الإعلامية ريهام سعيد، صورة لها وهي صغيرة مع والدها، عبر حسابها الرسمي بموقع تبادل الصور والفيديوهات "إنستجرام".
وعلقت عليها بسبب ما حدث معها بعد إذاعة حلقة "صيد الثعالب"، ووجهت كلامها للفنانة لقاء الخميسى، التي هاجمتها بقوة، رغم وجود صداقة بينهما.
وقالت: "تكملة الكلام إن أختي بعتتلها فيديوهات توضح إن كل الكلام ده كذب ردت عليها قالت لها مش هاشوف حاجة، عارفين عملت كده ليه مع إنها لسه متصورة مع واحدة صاحبتنا بتبيع جاكتات تعلب وأرانب الست جميلة ومحترمة بس هي الحيوانات دي بيسلخوها عشان نلبسها ما أنتي موافقة أهو.. المشكله أن أنا مش يصطاد دول صيادين اللي بيعملوا كده كل يوم أنا نقلت صورة و لما شلته سألت فين المكان اللي مش مؤلم قالوا زي القطط".
وتابعت: "لقاء الخميسي سابت مهرجان السينما وركزت مع التعلب مع أنها ممكن تكلمني، ومش مصدقاها في ولا حرف كتبته، لأن كان أول أسبوع أرجع شغلي يعني من باب الرحمة عدم الهجوم حتي لو أنا غلطانة غلط غير مقصود مثلًا . لو أنتي أتوقفتي من التمثيل عشان الناس مجبتش حاجة إنتي عملتيها كيانك هايضيع ومستقبلك تفتكري ممكن أشارك في ده ؟ أنا زمايلي بقي جنبهم وأنا عارفه أن هما غلطانين وأنا معرفهمش".
وواصلت: "الخلاصة أنا مبسوطة أن ربنا بينضف حواليه في ناس راقية ورحيمة بجد لأن الرحيم ده هايبقي رحيم علي البني آدمين كمان مش بس الحيوانات ووالله أنا بني آدمة ليها طاقة ومشاعر لو نسيتوا . مش معني إني بحاول أقف علي رجلي كل مرة عشان لادي يبقي مبحسش أنا ماشية بستر ربنا بس لكن لو أي حد شاف اللي شفته كان زمانه مات من زمان".
وواصلت: "لأي واحدة أعرفها أو زميلة هاجمتني لتصفية حسابات أو كراهية أو نقص أو أصل و اطي أو غيرة أو حقد أفتكري أني ممكن أنام متضايقة يوم مصحاش وساعتها وأنتوا بتقروا خبر وفاتي هايبقي ذنبي في رقبى كل واحد هاجمني وهو مش علي حق أو حتي علي حق . إخس علي أي حد ما بيراعيش العيش والملح".
