رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

«حرام عليكم».. رسالة نارية من فيفي عبده لمروجي شائعات وفاتها (فيديو)

ستوديو

نشرت الفنانة فيفي عبده فيديو لها، عبر حسابها الرسمي بموقع تبادل الصور والفيديوهات "إنستجرام".

ووجهت رسالة لجمهورها بعد انتشار شائعة وفاتها خلال الساعات الأخيرة الماضية، قائلة: "يا مساء الفل والياسمين من مصر أم الدنيا، طبعا أنا بعملكم الرسالة دي لأن ناس كتير مخضوضة عليّا، وإن أنا موجودة في الرعاية، والحقوها في آخر أنفاسها، اللي يعلم بده ربنا سبحانه وتعالى، أنا في البيت والحمد لله بصحة كويسة وبحمد ربنا، كانت رجلي وجعاني، وبتحسن بفضل دعاكم ليّا".

وأضافت: "بشكر كل اللي بيحبوني، أما الناس اللي بتطلع عليّا إشاعة جامدة جدا إني مُت، ده بتاع ربنا وكويس إن الواحد بيسمع الكلام ده وهو عايش في الدنيا، واللي يقول الحقوها في الرعاية وآخر نفس فيها وبتاع.. حرام عليكم، حرام عليكم تخضوا الناس عليّا، منك لله وحسبي ونعم الوكيل في أي حد يقول عليّا كده، ويا سلام لما الواحد يسمع الناس بتقول عليه كده وهو عايش في الدنيا، ربنا يديكم الصحة ويديني الصحة، واكتفي بهذا القدر".

وكشفت الفنانة فيفي عبده عن تفاصيل حالتها الصحية بعد تداول أخبار عن تدهور حالتها، مؤكدة أنها تتلقى العلاج منذ ستة أشهر، لكنها كانت تخفي حقيقة مرضها على الجمهور حتى لا تثير القلق.