تغزلت الإعلامية ياسمين سعيد مقدمة برنامج "الجمعة في مصر" بالطفل محمد حسام صاحب فيديو "بسنت وياسين" الشهير قائلة له: "بما إنك رومانسي كدة فأنا معجبة بيك يا محمد وتسيبك من بسنت؟" ليرد عليها: "بسنت دي مش هسيبها خالص"، لتقول له: "ولا علشاني؟ دنت حطمت معنوياتي".
وأضاف خلال حواره مع الإعلامية ياسمين سعيد
ببرنامج "الجمعة في مصر" المذاع عبر فضائية "إم بي سي مصر" مساء
اليوم الجمعة: "أنا هتجوز وأبقى دكتور وأتجوز بسنت"، لتقول له الإعلامية
ياسمين: "يعني أنا مش نافعة حتى لو هصغرلك وبسنت اللي نافعة"، فيرد
عليها: "لأ إنتي نافعة جدًا على فكرة ومنورة البرنامج".
وتابع: "بسنت دي حبيب قلبي، ومش هسيبها خالص، أنا علطول بقعد في البلكونة وأكون باكل فألاقيها تيجي في دماغي غصب عني، وأنا ببقى عاوز أركز في الأكل لكنها بتيجي في دماغي غصب عني".
