قدمت الإعلامية ريهام سعيد، اعتذارًا لجمهورها عن الحلقة السابقة لها من برنامج "صبايا الخير"، والتي تسببت في إيقاف البرنامج مجددًا، وذلك عبر حسابها على موقع تداول الصور والفيديوهات إنستجرام.
وعلقت ريهام سعيد على الصورة، قائلة: "على قد ما زعلت اني اتهاجمت واتجرحت كتير؛ فرحت اوي ان ناس كتير بقت رحيمه بالحيوانات، أنا بعتذر علي أي مشهد فيه إساءة لأي حد، وخصوصًا الناس المهتمة بالرفق بالحيوان".
وأضافت: "بعتذر إني تسببت في أذى لأي ابن حد فيكوا، لكن لازم تكونوا متأكدين إني اشتغلت واجتهدت وتعبت لمدة ١٨ سنة، وأكيد مش محتاجة أي شهرة ولا مشاهدة، الهدف الوحيد هو تقديم محتوي محترم صادق ومفيد".
وأردفت: "كنت عايزه الحلقة تسلط الضوء علي مهمة الصيد اللي موجودة في كل أنحاء العالم بمميزاتها وعيوبها، حبيت أقدم الحقيقة، وأزود معلومة جديدة، هي دي نيتي بس، أي اتهامات انا هرد عليها الحلقه الجايه، لكن المهم دلوقت ان محدش يزعل مني، لان اكيد كل الي اتقال ده مش حقيقة".
وأنهت اعتذارها قائلة: "أنا عايزة أعيش في سلام و كفايه مشاكل. نفسي الي بيهاجموا وعمرهم ما اتفرجوا علي البرنامج يبتدوا يتابعوا، يمكن تشوفوا اد ايه بنتعب، وأد إيه حريصين إن إحنا نقدم أحسن حاجه، أنا آسفه مرة تانية، والمره اللي جايه هحط في الاعتبار إن ساعات الحقيقة ممكن تجرح. وعد مش هانغلط تاني".
وكان المجلس الأعلى لتنظيم الإعلام قرر إيقاف برنامج الإعلامية ريهام سعيد وإحالتها للتحقيق، وقال إنه بحث الشكاوى المقدمة ضد برنامج "صبايا الخير" المعروض على قناة النهار، في ضوء ما ورد بالحلقة الخاصة بصيد الثعالب، وقرر وقف البرنامج لحين انتهاء التحقيقات مع مقدمة البرنامج، والممثل القانوني لقناة النهار.
