رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

حمو بيكا: استحالة أتجوّز رقاصة.. وهكذا تعرفت على زوجتي

حمو بيكا
حمو بيكا

قال مطرب المهرجانات حمو بيكا، إنه لم يتزوج براقصة وإنه يرفض الزواج منهن، مشيرًا إلى أن المطرب  عمر كمال هو من اقترح عليه ظهور الراقصات في أغانيه.
وأضاف  خلال حواره مع الإعلامية ريهام سعيد مقدمة برنامج "صبايا الخير"، عبر شاشة "النهار": "الناس كلهم بيحسبوني إني متجوز رقاصة وحتى وأنا في برنامج سألتني مذيعة أنت متجوز رقاصة، قلت لها لأ، مينفعش أتجوز رقاصة، هي ترقص بس متجوزهاش".
وتابع: "عمري ما فكرت إن رقاصة تطلع معايا في أغانيّ، عمر كمال هو من يقترح علىّ وقلت له بلاش إحنا كده كده الناس بتحبنا من غير أي حاجة، عمر مضروب بحاجة اسمها ميديا و24 ساعة قاعد على الفيس بوك، هي حياته كلها، وممكن السوشيال ميديا توديه في داهية".
وأردف ، أنه ندم على ظهور راقصة في أحد فيديوهات الكليب التي صورها: "ولما طلع رقاصة معه قال لي يا ريتنا ما كنا عملناها، لكن أنا بحب أهاوده للآخر".
وعن الفيديوهات التي هاجم فيها الزواج عبر حساباته الرسمية على منصات التواصل الاجتماعي، قال بيكا: "التريند، هي زعقت لي وبتزعل، وبتقول ليه بتعمل كده، أنا بحب مراتي، بس بنصح كل شاب إنه ميتجوزش غير اللي بيحبها".
وأشار إلى أنه تعرف على زوجته من طريق والدته، إذ كانت في زيارة لأحد معارفها بالمستشفى، فالتقت والدة زوجته، ثم التقت زوجته، ورشحتها له لكي يتزوجها: "قالت لي جبت لك عروسة، وعجبتها في إنها هادية مش بتاعة مشاكل، وافقت عليها على طول، واتقدمت لها لما شفت صورتها بس، مشفتهاش قبل كده ولا اتكلمت معاها، واتكلمنا بعد الخطوبة، واستمرت خطوبتنا حوالي 6 شهور، كفاية لأن كتر فترة الخطوبة بتجيب المشاكل والعكننة والعراك".
وحول شائعة ارتباطه بقريبة إحدى الفنانات قال: "هم كانوا عاوزين وانا موافقتش، ودي حرية شخصية".