وجهت الإعلامية ريهام سعيد رسالة قاسية لمنتقديها عبر صفحتها الشخصية بموقع "إنستجرام"، وذلك بعقد مقارنة بين صورة حديثة لها وأخرى قديمة.
وعلقت ريهام سعيد على الصور قائلة: "اللي بيقولوا اتغيرتي دي أنا وطول عمري بسيطة وشايفه ان لو الحاجه مش مبتذله تبقي شيك وكل واحد حر .. الصوره التانية دي من أربع سنين وموجودة علي كل المواقع وبتنزل في كل الأخبار إيه الفرق دراعي هو دراعي والله بس تخنت عشرة كيلو علي فكره ده الجينز بتاعي اللي بخرج بيه والتيشرت دي من دولابي الخاص يعني لبسي".
وأضافت: "للعالم المريضة ركزوا في حياتكوا يا ملايكه وارحمونا من أحكامكم وآرائكم اللي مالهاش أي قيمة.. ولا انتوا ملايكه و لا ليكوا الحق في الحكم علي الناس الكلام ده للقلة القليله المريضة اللي جواها غضب بتطلعه علي بروفايلات الناس المشاهير.. مش فاهمه فكره انك تتابع واحد عشان تنتقده انت مالك".
وتابعت: "دي انا بسيطة وحره وشيك وعمري ما كنت حاجه غير كده و دي طبيعتي اللي مصدوم اكيد مش ها روح البرنامج كده لان ماينفعش الواحد يروح البنك لو موظف بشورت ده غير اني ممثله مش إعلاميه بس.. الدليل علي انكوا و لا بتفهموا في الدين و لا تعرفوه ان الدين قال ان الكلمه الطيبه صدقه انتوا وصل بيكوا التنمر انكوا بتحكموا مين داخل الجنه و مين داخل النار. وان تقل خيرا او لتصمت. ارحمونا بقي من العقد ومن قله الادب . ناس بتبان في منتهي التقوي من ناحيه المظهر و هي منحرفه انحراف رهيب . لما مايعجبكش حد ابعد عنه و ادعيله بالهداية مع ان مجرد انك تحكم علي حد وعلي علاقته بربنا انت الي محتاج ندعيلاك بالهداية".