قالت أحلام «أم عمرو» صاحبة فيديو البحث عن عروسة لابنها، إنها وجدتها في نفس الفرح، متابعة: «لقيت له عروسة في نفس الفرح، شاورتله عليها وغمزتله، والسقفة مش عشان الفرح دي كانت عشان عمرو، لما قالي خلاص ماشي».
وأضافت خلال مداخلة هاتفية ببرنامج «حضرة المواطن»
على فضائية «الحدث اليوم» مع الإعلامى سيد على: «لما راح البيت قالي
كنت بصورك هنزلها على النت؟، قلتله نزلها يا عمرو، ودخلت نمت لقيت الناس كلها بتتكلم
عن الفيديو».
وتابعت: «البنت عسولة وبنت ناس طيبين وكويسين جدا، هي جت صدفة كده، هي في الحقيقة حلوة ومكنتش أعرفها، وأنا مجوزة خمسة، وزوجات أولادي بيحبوني».
من جانبه، قال الابن عمرو، مهندس صوت في قناة فضائية، إنه
خطب ثلاث مرات من قبل، لكنه لم يوفق، مردفا: «لكن أمى قالتلي عاوز أجوزك، قلت
لها أما أشوف، زي ما جوزتي خمسة إخواتي أكيد هتختاريلي عروسة حلوة، وهي عاوزة تخلص
مني، عشان عامل لها دوشة في البيت، وهنروح الجمعة الجاية».
