بعد اتهام والدها لها بالعقوق.. بوسى: «كان فين طول السنين اللى فاتت دى؟»

ردت المطربة بوسي على الانتقادات التي تعرضت لها مؤخرًا بسبب تصريحات والدها الأخيرة ضدها واتهامه لها بالعقوق.

وقالت بوسي، خلال لقائها في برنامج "معكم منى الشاذلي"، المذاع عبر فضائية cbc: "حتى لو جوايا نار مش هينفع أغلط، عشان هو في الأول والآخر أبويا، لما الضربة في ضهرك تيجي من أقرب الناس ليكي، خاصة عندما يكون جاي معاهم ضدي لكي يحاربوني، ومعنديش حاجة أقولها، لو أنا عاقة مكنش يبقى عندي 15 سنة وأطلب من أمي أشتغل عشان أشيل عنها الحمل، أنا اتولدت أبويا مطلق أمي وهي حامل فيّا في شهرين وهذا التصريح أدليت به منذ ظهوري في الوسط الفني".

وأوضحت أنها قبل إثارة والدها لهذا الهجوم ضدها بيومين أرسلت له أموالًا وكانت تستعد لإرسال له أموال أخرى، مؤكدة أنها مسئولة عن أشخاص آخرين، متسائلة: "وهو كان فين طول السنين اللي فاتت، لما كنت في عز المشاكل ومستنية حد من أهلي يقف معايا". 

وتابعت: "مفيش علاقة بيني وبين أبويا، اتولدت وأمي كل حاجة في حياتي، أمي وأهلها هما اللي ربوني، ولا أعرف غيرهم، وأنا كنت بشوف أبويا في الشارع بالصدفة ولم أكن استطيع أن أقوله يا بابا، وهو اتجوز كتير بعد أمي وعندي إخوات من الأب ووالدي مكنش بيصرف عليهم برضه، وهمّا من قاموا بتزويج أنفسهم، كما أن لديّ أخ لا أعرفه".