رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

بعد تعرضه للسحر.. أحمد فلوكس: «اختاروا الناس كويس»

أحمد فلوكس
أحمد فلوكس

أثار الفنان أحمد فلوكس، العديد من تساؤلات متابعيه بعد كشفه عن تعرضه للسحر والأعمال من قبل مقربين منه وطالبوه بكشف تفاصيل أكثر عنها.

ونشر أحمد فلوكس، صورتين له عبر صفحته الشخصية بموقع "إنستجرام"، وعلق عليها قائلًا: "الصورتين دول مابيفرقوش عيني ولا عقلي... الصورة اللي ببدلة دي كانت في أسوأ فترة في حياتي، رغم إني كنت ناجح وشركاتي بتنجح وبتتحرك وبشتغل وكنت بستغرب أنا شكلي بيعجز ليه وليه عامل كده وليه الأبيض بقي كتير في دقني، وليه مش سعيد وليه مش مظبوط، وتساؤلات كتير رغم إني كل شوية كنت بسافر أعمل عمرة لكن شكلي وحياتي ونفسيتي وتصرفاتي بتسوء للأسوأ".

وأضاف: "فترة غريبة جدا في كل حاجة.. دي فترة اللي اكتشفت فيها حاجات كتير وحصل بعديها واقعة الأمن، دي الفترة اللي السحر والأعمال والدمار وشرور البشر والخيانة والغدر والتوهان ومش شايف حاجة وكل ما هو سيئ بيدمروا فيا وفي صحتي وفي حياتي وأنا مش فاهم حاجة .. معمي البصيرة والإحساس عجوز من الداخل مربوط في حزن بلا سبب رغم نجاحي مش عاوز أمثل مش عاوز حاجة ولا فاهم حاجة، وكل شوية مستشفى وكل شويه تعب والدكاتره مش لاقيه سبب طبي صريح".

وتابع: "الصورة التانية دي بعد ما ربنا عافاني وأكرمني بالشفاء والبصيرة والراحة.. عافاني من أسوأ أنواع البشر، عافاني من السحر والأعمال وأعطاني البصيرة لأرى من حولي جيدا، وأرى قوة وعظمة ربنا في معطياته لينا ورحمه الله الواسعة".

واختتم كلامه قائلا: "قربوا من ربنا، واعلموا جيدا أن لن يمسكم سوء وستنور بصيرتكم .... نصيحة اختاروا الناس اللي تبقي في حياتكم كويس، وابعدوا عن كل شخص مؤذي وماتتخدعوش بالمظاهر والكلام وقربوا قوي من ربنا، يا رب ابعد كل أذى عن بيتي وأهلي وابني وعبادك يا رب... وأعطيني القوة لأحمي أهل بيتي وابني الصغير من الأذى.. ودمر كل من يحاول أذيتهم".

وأثار كلام أحمد فلوكس عن السحر العديد من التعليقات، خاصة أنها ليست المرة الأولى التي يكشف فيها عن تعرضه للسحر وطالبوه بالكشف عمن قام بالسحر له.