شاركت الإعلامية أسما شريف منير، جمهورها
ومتابعيها، عبر صفحتها الرسمية بموقع "إنستجرام"، بصورة لزوجة أبيها
"لورا".
أسما شريف منير عن زوجة والدها: عمرها ما اتعدت على
حقوقنا
ووجهت أسما شريف منير، رسالة لها، قائلة: "الست الجميلة
اللي في الصورة دي هي (لورا) مرات أبويا، إيه ده هو في مرات أب حلوة كده أومال فين
الحوافر والعيون الشريرة، مش مرات أب؟، يبقى أكيد لازم تكون شريرة وبتعذب الولاد وبتشغلنا
في البيت".
وأضافت: "ده إللي المجتمع والأفلام دائمًا بيصدروه، بس الحقيقة
إن الست دي من أطيب وأجمل وأجدع الستات اللي في الدنيا، عمرنا ما اتخنقنا، يمكن
اختلفنا مرة بس عمرها ما اتعدت على حقوقنا ولا التزمات أبويا لينا، أو إخواتي وبناتي
عشان هما صغنانين، هي عيلتي وحبيبتي".
وتابعت: "لما بزعل مع أبويا بتقف جنبي حتي لو هيتخانق
معاها، أنا وهي أصلًا شخصيتنا قريبة من بعض بتفهمني وبتحس بيا، أنا عمري ما اتكلمت
عنها عشان هي بعدت عن الأضواء من زمان، بس حسيت إني لازم أقولها إني بحبها وبحترمها
وأديها حقها، وعشان اقول لاأي ست لو إنتي مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير، وجوزك هيشيلك في راسه".
واختتمت: "بحبك يا لولو أوي، وربنا يخلينا لبعض كلنا دايمًا، وشكرًا على كل حاجة حلوة عملتيهالي، آه وبالمناسبة هي بتعمل أفكار حلوة أوي على الإنستجرام تبعوه".
