قالت الفنانة رانيا يوسف إنها تعرضت للتحرش هي وابنتها الكبيرة، مضيفة: "وجعني أوي وبقى عندي كوابيس، المناطق الزحمة ببقى بتخض منها
والناس اللي معرفهاش بتخوفني، والموضوع وجعني خاصة لما بنتي اتعرضت له، وحسيت
بالذنب لأني مقدرتش أحميها".
رانيا يوسف: المتحرش جبان
وأضافت رانيا يوسف، خلال لقائها ببرنامج مساء دي إم سي، المُذاع على
فضائية دي إم سي، مع الإعلامية إيمان
الحصري: "المتحرش جبان، لأنه بيعمل فعلته في السر، لو بقى في العلن مش هيمارس
التحرش، لو عارف إن فيه كاميرا بتصوره مش هيتحرش، وهي دي الفكرة اللي جتلي، إننا
نفضح المتحرش يمكن لما نفضحه يمكن يتكسف من نفسه ويخاف على اسمه أو على عيلته،
زمان في المناطق الشعبية بيحلقوا للمتحرش شعره، وكان بيتعلم عليه".
وتابعت رانيا يوسف: مفيش مبرر للتحرش، هناك من يتحرش بالأطفال وراجل
يتحرش بولد والستات بيتحرشوا ببعض، معقبة: "ايه مبررك التحرش بطفلة، لازم يكون
فيه قواعد في المجتمع، المتحرش لازم يتعدم أو يتم وضعه في مصحة نفسية".
وأكملت:"السكوت عن التحرش مش صح، والتحرش موجود في العالم كله، لازم العقاب يكون شديد فالمتحرش هيخاف".
