أعربت الفنانة رانيا يوسف عن حبها الشديد لنهر النيل، معقبة:"
أنا لو بأكل سميطة ودقه وأنا بتمشى على كورنيش النيل هتكون أجمل خروجة في
الدنيا".
وأضافت رانيا يوسف، خلال لقائها ببرنامج "مساء dmc"،
المُذاع عبر فضائية "dmc"، مع
الإعلامية إيمان الحصري، أنها شخصية رومانسية للغاية لكنها تسعى أن تكون شخصية واقعية، متابعة:" الدنيا صعب تعيشي فيها برومانسية، وصعب تتعاملي مع ناس
طول الوقت تمثل لهم الماديات والمصالح والاستغلال رقم واحد في حياتهم، صعب التعامل
معهم برومانسية، لأن في النهاية تكتشفي أنك مستغلة طول الوقت".
وتابعت:"إحنا كمشاهير، الناس شايفانا
من بره لابسين كويس وشكلنا حلو، وميعرفوش إحنا بنشتغل أد إيه، محدش شايف المجهود،
لكنهم شايفين النتيجة".
وأردفت:" بحاول أفصل مشاعري عن حياتي، اعتزلت الناس شوية، وبقيت مقلة في معارفي، بقيت بخاف أتعرف على ناس جديدة، لأني اتوجعت واستغليت".
