رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

سائق الـ«توك توك» الأمين: «لو نايم على حصير مش هأكل عيالى حرام»

ستوديو

كشف محمد الشقراني، سائق التوك توك الأمين، عن تفاصيل عثوره على مبلغ 9 آلاف دولار في الطريق ومحاولة إعادة المال لصاحبه.

وقال «الشقراني» خلال حواره ببرنامج «مصر تستطيع» المذاع على فضائية «دي إم سي» مع الإعلامي أحمد فايق، مساء الجمعة: «خرجت على عملي، وفي الطريق عثرت على كيس بلاستيك، وفتحته لقيت فيه فلوس واتأكدت أنها فلوس حقيقية، وكان معاه صورة بطاقة صاحب الفلوس، مفكرتش في أي حاجة ساعتها غير إني أرجع الفلوس لصاحبها أحسن يجراله حاجة أو يموت».

وأضاف: «بدأت أبحث مع شقيقي عن صاحب البطاقة، واستطعت العثور عليه بأنه يقيم بإحدى قرى مركز سمالوط، ورجعت الفلوس له، مكنتش أقدر أقبل أأكل عيالي فلوس حرام، حتى لو كانت حالتي صعبة ونايم على الحصير بسبب تراكم الديون عليا».

من جانبها، قالت شريفة جابر زوجة محمد الشقراني: «أول ما دخل عليا وقالي أنا لقيت الفلوس دي، اتخضيت، وقلتله إيه ده، إحنا منقبلش فلوس حرام على ولادنا، إحنا لازم ندور على صاحبها ونرجعهاله».