اعتاد الفنان أحمد السقا، على مجاملة النجوم في السنوات الأخيرة بالظهور في بعض مشاهد أعمالهم الفنية كضيف شرف.
وظهر السقا، كضيف شرف في العديد من الأعمال الفنية، منها "رحيم، وكلبش، والاختيار"، وكان آخرها مسلسل "سكر زيادة".
وخلال تجسيد أحمد السقا، بطولة مسلسل "ولد الغلابة"، ظهر معه الفنان تامر حسني كضيف شرف، وهو الأمر الذي رده له السقا، في فيلمه الأخير "الفلوس".
وكشف أحمد السقا، عن الخلاف الذي وقع بينه وبين تامر حسني بسبب مشاركته في الفيلم، قائلًا، خلال استضافته في الحلقة الأولى من برنامج "أسرار"، مع الإعلامية وفاء الكيلاني، والمذاع عبر فضائية "دي إم سي": "أنا زعلان من تامر حسني، وأنا بحبه جدا، ولو مش بحبه مش هزعل منه.. زعلان منه عشان هو في فيلم (الفلوس) كلمني وقالي إنه عايزني أعمل معاه مشهد، وهو الحقيقة كان جاملني في مسلسل (ولد الغلابة)، وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده، مرة قالي دول فانز، ومرة قال دول الشركة المنتجة، قولتله أنا معرفش حد منهم يا تامر أنا معرفش غيرك، ودي أثرت عليّا جدا نفسيًا وفي شغلي".
وأضاف: "لو تامر حسني قابلني حاليا، وقالي كلمتين حلوين الموضوع هيخلص.. لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده، لكن اللي حصل حصل، وأنا مسامحك يا تامر لكن مشاكلك كترت".
