رئيس مجلس التحرير
د.محمد الباز
رئيس التحرير
وائل لطفى

ندى بسيونى تطالب السيسى بتغيير مصطلح قانون أصحاب الإعاقة

ستوديو
طباعة

ناشدت الفنانة ندى بسيوني، الرئيس عبدالفتاح السيسى من أجل المطالبة بتغير مصطلح قانون أصحاب الإعاقة إلى قانون أصحاب القدرات الخاصة، عبر حسابها الشخصي علي موقع "إنستجرام".

 

وعلقت ندى بسيوني على الصورة قائلة: "إلى كل من يهمهم الأمر.. اقرأوا بقلوبكم لا بأعينكم كل حرف كتب في هذا النداء.. أدعم ومن قلبي وروحي سما رامي في المطالبة بحذف لفظ البله المنغولى من كتب وزارة التربية والتعليم والمناهج.. دول أبطال وفنانين يا سادة ومبدعين والأهم إنسان يملؤه المحبة والسلام .. شهر أكتوبر شهر التوعية بأصحاب متلازمة داون، شير وخلوا كل الناس تغير الثقافة القديمة والتعليم والمناهج الخطأ".


وتابعت قائلة: "اوعى حد يضحك عليكم ويقول إن اصحاب متلازمة داون مرضى أو يقول مرض متلازمة داون.. اوعى حد يضحك عليكم ويقول إن أصحاب متلازمة داون عمرهم قصير وبيموتوا على طول.. اوعى حد يضحك عليكم ويقول إن اصحاب متلازمة داون هبل وعبط ومنغوليين ومعاقين ذهنيا".


وأضافت: "اوعى حد يضحك عليكم ويقول إن أصحاب متلازمة داون مش بيتعملوا أو مش بيفهموا.. اسمعوا كلامى أنا بس من أصحاب متلازمة داون.. متلازمة داون عبارة عن نسخة إضافة فى كروموسوم ٢١.. بدل ما يكون ٢ بقى ٣ ..ال كروموسوم الزيادة ده عمل حاجات كتيرة أوى حلوة فينا".


وأوضحت ندى قائلة: "أولا بنحب كل الناس من قلوبنا دون مصالح، ثانيا: مش بنعرف يعنى إيه كراهية أو حقد وغل، ثالثا: خلى بالكوا عندنا حاجة اسمها شفافية يعنى بنعرف الناس الكويسة والناس الوحشة بلاش الناس الوحشة يقربوا مننا، رابعا: عندنا إرادة من حديد وعزيمة وتحدى الصِعاب، خامسا: إحنا بنتعلم كويس جدا كل حاجة... إيه المشكلة إن يكون فى اهتمام زيادة عن باقى الناس.... إيه المشكلة لما يكون في أدوات لتعليم أصحاب متلازمة داون مختلفة عن باقى الناس...... لو ده اتوفر لكل أصحاب متلازمة داون مش هيبقى في حد عنده تأخير القدرات الذهنية".


وأكملت حديثها: "سادسا شكلنا مختلف عن الناس.. إحنا أحلى وأجمل من ناس كتيرة.. والجمال فى الروح مش فى الشكل، سابعا : المرض دا ابتلاء بإيد ربنا بيصيب أصحاب متلازمة داون وبيصيب الناس كلها، المهم مين هيصبر ويحمد ربنا على الابتلاءات،  ثامنا: الموت دا الحقيقة الوحيدة إللي فالدنيا، ربنا اختص بيه كل الأنفس وليس أصحاب متلازمة داون فقط، تاسعا: وأخيرا إحنا ربنا خلقنا عشان نعلم الناس إزاى يحبوا بعض".


وأنهت ندي بسيوني حديثها قائلة: "من حقي أنى أطالب بعدم وصمى بالقانون بالإعاقة الذهنية بحجة الاتفاقيات الدولية عشان كده عاوزاكم تساعدوني عشان رسالتى توصل للرئيس السيسي".

إرسل لصديق

التعليقات