أطلقت المذيعة أسماء شريف منير، مبادرة جديدة تحت عنوان "هنغير حياتنا في 30 يوم"، بعد فترة العزل المنزلي بسبب جائحة كورونا.
وشاركت أسما، جمهورها ومتابعيها، عبر صفحتها الرسمية بموقع "فيسبوك"، مقطع فيديو، قالت فيه: "طاقتي مبقتش زي الأول، لأن الأكل مبقاش صح، عايزة أظبط صلاتي عشان ربنا يكرمني ويكرمكم، أنا فقدت ناس كتير جداً بسبب كورونا، وبما أن في كورونا جاية هتكون أقوى، قررت أعمل نظام جديد لحياتي".
وأضافت: "الحمد لله خسيت 9 كيلو، وهتشوفوا دا في صوري، حبيت أبدأ بنفسي الأول، بعدها نعمل تحدي مع بعض، التحدي مش بس أكل، والتحدي دا يكون على اليوتيوب، هيبقى كل يوم لمدة 30 يوم".
وتابعت أسما: "أنا شخص بيلتزم جدا، ولكن لما بتوقف فترة لظروف، برجع اتخبط وألبس في الحيطة وأصلي فرض وأسيب فرض، أيضا ختم القرآن، واستغلال أن التحدي سيكون في شهر كامل أسوة بشهر رمضان".
وواصلت: "إن شاء الله هنبقى قد التحدي، أنا قررت تشجعوني وأشجعكم وأدلعكم، والله التحدي ده حقيقي ومش ضحك على الدقون ولا ببيع لكم حاجة وكله بما يرضي الله".
