قال الرئيس عبدالفتاح السيسي: "أنا دائما براهن على وعي المواطنين، وحاليا بشكرهم"، متابعا: "فيه ناس موجودة وكل هدفها التشكيك ويخوفوكم، بيصطادوا في الميه العكرة.. لما تحركنا وبدأنا في خطة شرق العاصمة بالكامل قالوا بيعمل لصالح مصر الجديدة ومدينة نصر.. مفيش كلام من ده فيه حاجة لصالح الناس".
وأضاف السيسي، خلال كلمته بافتتاح مقر مجمع التكسير الهيدروجيني بمسطرد، اليوم الأحد: "مبنعملش إجراء إلا في إطار خطة متكاملة للدولة لمعالجة آثار صعبة، اللي بتشوفوه ده بقولها للإعلام والمواطنين هو ده الحال، نصلحه ولا نسيبه؟، نصلحه، طيب نصلحه على حساب الناس ولا حساب الدولة، والدولة في الآخر شعب مصر".
وتابع: "إحنا بنجري وأنا رهاني على الناس.. والحمد لله رب العالمين.. خلال السنوات الماضية كان الرهان كسبان".
