وصف وائل غنيم، أن دعوة الأجير الهارب في إسبانيا محمد علي بنزول
المصريين في ٢٠ سبتمبر بالساذجة، مشددًا على أن محمد علي مجرد ممثل فاشل يستهدف تخريب البلد.
وأضاف في مقطع فيديو عبر حسابه على موقع التواصل الاجتماعي "فيسبوك: "محمد ناصر وأعوانه هم مجموعة من المدعين، وهم مجموعة من الممولين التى تحركهم دول لا تريد أى خير للبلاد، فعلينا أن ننتبه ما يفعله هؤلاء، ولا نسمع لتلك الشعارات الكاذبة التى يروجها محمد على وإعلام الإخوان".
ووجه وائل غنيم حديثه للشباب قائلًا: "مش هكون ترس في آلة أسمع يا عم الغاضب أنت وهو، لأن أنت دلوقتي في آلة القطريين وأنا جاي أقولك الفكرة، وأتمنى القنوات المصرية تنشر الكلام اللي هأقوله، زي ما أنتوا عارفيين أنا عندي 39 سنة، وحياتي الشخصية أني كنت دايمًا بشوف الحكومة المصرية والمسئولين عن الحكومة بشكل مش كويس طول الوقت، نتيجة رؤيتي للظروف اللي حواليا، والحاجات اللي أنا نفسي متعرض لها".
وتابع
وائل غنيم: "أبويا خريج كلية الطب وترك مصر عام 1980، بسبب الظروف الاقتصادية، مع أن
الدكاترة في العالم بيبقوا ناس مهمين في اللعبة، يعني الدكاترة هنا في
أمريكا متظبطين وبيقدروا يعملوا الفلوس اللي هما عايزينها، لأن الناس هنا في
أمريكا عارفين قيمة الإنسان والناس بتصرف صرف منطقي على صحتها، وأبويا اضطر يسافر
إلى السعودية عام 1980 عشان ياخد 10 أضعاف مرتبه في مصر، واللي هي برضو مكنتش
مكفية أسرة لسه بتتبني".
وأضاف: "اللي أنا بحاول أقوله أن أنا كنت جزء من الناس اللي شايفة أن الحكومة المصرية حكومة فاسدة، وإحنا لازم عشان نصلحها نوقع كل اللي فيها الأول، بدليل أني نزلت في عام 2011، ولما كان عندي 11 سنة عملت الموقع بتاع إسلام واي، فمن وأنا صغير عايز أعمل حاجه لبلدي وديني وأسرتي وأهلي كلهم وطنيين، وزوج خالتي توفى شهيد في الحرب، فكان مزروع جوايا حب البلد وكنت زعلان على حالها، وعايز أصلحها، وده كان من أحلامي".
