قالت الفنانة شريهان، إنها لا تحب دخول بيوت الجمهور بعد الإفطار للتسلية فقط، متابعة: «بحب أقدم مادة محترمة وموضوع مضبوط واخد وقته في التحضير، مينفعش أدخل أرقص بفستان أحمر ويكتبوا عني لابسة أحمر، أنا بحترم نفسي، تعبت جداً في الأول، تعبت على نفسي وأهلي تعبوا عليا».
وأضافت «شريهان»، خلال لقاء لها مذاع عبر «ماسبيرو زمان»: «أنا مش شارية دماغي في الفن ولا أتعامل معه باستسلام ولا مبالاة.. عايزة أعمل عمل صح ومحترم، مش عايزة أركب الموجة ولا أعمل هوجة زي ما بيقولوا، مش عايزة أكون وقتية، محبش أكون كوباية شاي».
وأردفت: «أنا معرفش أسرق وقت المتفرج ولا أعرف أسرق ذهنه ولا أعرف أدي مادة سامة، الفن مش هزار».
