رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

المسنة التي أمر السيسي بعلاجها: الرئيس ظهرلي من عند الله (فيديو)

ستوديو

قالت الحاجة بخيتة، السيدة المسنة التي أمر الرئيس السيسي، بعلاجها، إن الرئيس اهتم بصحتها اهتمامًا بالغًا منذ أول يوم، والآن تتلقّى العلاج هي وابنها المريض بالسرطان.

 

وأضافت الحاجة بخيتة، خلال مداخلة هاتفية مع الإعلامية لبنى عسل، ببرنامج "الحياة اليوم" المُذاع عبر فضائية "اليوم"، مساء الأحد: "الأطباء عملولي أشعة ليا ولابني وعملت رسم قلب، واهتموا بيا اهتمام كبير، حتى إن الرئيس السيسي، طلب مني مقابلته في رئاسة الجمهوية".

 

وتابعت: "سألني الرئيس السيسي، عن دخلي وأحوالي فأجبته، فقال لي: (أي حاجة هتحتاجيها يا حجة هتجيلك.. اطلبي بس إنتي يا حاجة)، لكن أنا مش عايزة غير علاجي وعلاج ابني، ومش عايزة حاجة تاني من الريس الله يبارك فيه وفي عياله".


واستطردت: "كنت خايفة وهما واخديني لسيادة الرئيس لما كان معدي، لكن هو طمني ولما كلمته حبيته جدًا، أنا منتخباه، وبحب كل اللي يحب الريس".

 

وواصلت: "الرئيس هو اللي ندهلي لما كنت معدية، والأوراق اللي معايا كانت مطلوبة مني في مستشفى الزهراء، عشان صرف العلاج، ورجعوني وقالوا مفيش صرف علاج غير بعد شهر، فظهر لي الرئيس السيسي، من عند الله فجأة، والمشكلة اتحلت".

 

وأكملت: "الرئيس السيسي، قعدني جنبه وكلمني وسمعني، حبيبي الريس وقلبي، وكفايا إنه عالج ابني".