عمرو أديب: لماذا تُبتز الدولة في قضايا التحرش؟

انتقد الإعلامي عمرو أديب أداء رواد مواقع التواصل الاجتماعي في قضايا التحرش، متسائلا: «لما أنت بتأيد الحق لماذا تبتز الدولة في قضايا التحرش؟».

وقال «أديب» خلال تقديم برنامج «الحكاية» المذاع عبر فضائية «إم بي سي مصر»: «في القضية الأولى قالوا إنه أبوه شغال في جهة سيادية ومش هيتحقق معاه، قالوا واصل ومش هيتقبض عليه، اتقبض عليه، قالوا هيطلع، فضل يتجدد له واتحول للمحاكمة».

وأضاف: «قالوا في قضية الفيرمونت، فيها أسياد البلد، ومش هيتحاسبوا، لأنهم أولاد الطبقة العليوي، لكن أول ما اتقدم بلاغ من المجلس القومي، طلع بيان من النائب العام، وقرر بالقبض، ومن هرب، تم مخاطبة الإنتربول وقبض عليهم».

واردف أديب: «انتوا تعرفوا إن العهد ده فيه حد أكبر من القانون؟ وبعيد عن قبضة القانون؟ مفيش رجل أعمال يمارس شيء غير قانوني وبعيد عن يد القانون، هذا عصر ولى، النائب العام اتخذ إجراءاته وجاب كل الناس والمشاركين».

واستطرد: «العجيب رواد السوشيال، فجأة قالوا حرام عليكم هي الناس يتقبض عليها كده؟ انتوا عاوزين القانون ياخد مجراه ولا نطبطب؟ الغريب في قضية الفيرمونت كل واحد يتجاب يتكلم عن جريمة أخرى، هذه القضية فيها تفاصيل مرعبة».

وختم أديب: «أرجوكم توقفوا عن ابتزاز الدولة المصرية، ومش كل مرة تقولوا انتوا تقدروا تقربوا لهم، اه بنقرب لهم».