تظاهرت الفنانة رجاء حسين، بعدم معرفتها الفنانة ياسمين صبري، عندما عُرضت عليها صورتها، قائلة: "مين دي أنا معرفهاش"، ليبادرها المذيع بقوله: "إنت عارفة إن دي جالها هدية بـ10 مليون جنيه".
وأضافت الفنانة رجاء حسين، خلال لقائها عبر فضائية "الحدث اليوم"، مساء الخميس: "إيه الاستفزاز ده، أنا مرضيتش أقول مين دي، عشان العربية اللي بـ10 مليون".
وتابعت: "إنتو ليه بتستفزوا الجمهور، ليه بتستفزوا الناس الغلابة، لو أنا جالي هديه بمليون جنيه أخودها واسكت، ولما يجي حد يسألني بكام أرد عليه".
وأردفت: "إيه لازمته الاستعراض ده، فيه ناس مش لاقية تاكل، فيه ناس على أدها، جاتلك هديه بـ10 مليون، احتفظ بيها لنفسك".
واستكملت: "دي عملية استفزاز أو استعراض، أنا بسميه نقص، لأن لو الإنسان متربي على إن دي حاجة طبيعية، ومتربي على القناعة والرضا، ميعملش كده".
وتداول رواد مواقع التواصل الاجتماعي صورة لتصريح تخليص جمركي لسيارة رولز رويس "كابروليه" باسم الفنانة ياسمين أشرف مدحت إبراهيم صبري "ياسمين صبري"، بتاريخ 19 أغسطس 2020.
ويبلغ ثمن السيارة 6 ملايين و113 ألفًا و545 جنيهًا، إضافة إلى رسوم تم تحصيلها كتراخيص لدخول السيارة من الجمرك تُقدر بـ3 ملايين و717 ألفًا و137 جنيهًا مصريًّا.
