عرض برنامج "المواجهة"، المذاع عبر فضائية "إكسترا نيوز"، مساء أمس الأحد، تقريرًا يكشف فيه آراء أهل وجيران الإرهابي الهارب عبد الله الشريف لبلده، تفاصيل خيانته لبلده وكيف كان تعامله معهم وماذا حدث لأهله بعد هروبه.
وقال محمد أحمد الشريف، والد عبدالله الشريف،
إن مشكلة الأبناء أنهم لا يسمعون آراء الآباء، متابعًا: "في ناس معرفش هما
مين بيستفيدوا من وضع تدهور مصر، ومصر أمانة في رقاب الكل ومينفعش العب بها، لأنها
لو تعرضت لانقلابات كل يوم هيكون فيه
قتلى وجرحى وعدوات."
وتابع: "لا مستفيد من هذا الوضع إلا القاصدين تخريب البلاد والتخلص منها، معرفش إيه اللي غير عبدالله كده وحوله".
وقال أحد جيرانه: "سمعة عبدالله الشريف في البداية كانت سيئة، وفجأة تبدل حاله وأصبح شخصًا آخر، ومعه مال ويستقل السيارات"، متابعًا: "الفلوس لعبت في إيده وغيرته، وأنا أموت ومشتمش على بلدي وتغيرني الفلوس ناحيتها"، مضيفًا: "والده رجل طيب ومش متحمل أي كلمة من حد، عارف إنه غلطان بس هو ضناه".
وتابع: "عند عبدالله الشريف قضية مخدرات أخذ انتظار فيها لمدة 6 أشهر ومن ثم تحصل على البراءة".
وقال أحد الجيران: "عبدالله الشريف كان متطلع ووصولي بشكل كبير، رغم أننا جميعًا في المنطقة نعيش حياة بسطية"، متابعًا: "كلنا بسطاء وفقراء إيه اللي وجهك إنك تكون ضد بلدك وتساعد على ضياعها وسقوطها ودمارها؟ ليه تكون مثال سيئ للشباب المصري؟".
وتابع جار آخر له: "الإخوان وتركيا اللي ضد بلدنا وجيشنا لن تنفعك، وإنت في أمان هنا أكثر من المكان الذي أنت فيه".
وأضاف آخر: "اسمي جابر الأبيض مبيض محارة، وعبدالله كان بيشتغل معايا وكان رجل شقيان، مش عارف إيه اللي وداه في سكة تانية".
وتابع جار غيره: "المنطقة دي اللي ربتك
وكبرتك وطلعتك راجل، ده جزاء البلد؟ هما قبضوك كام يعني عشان تعمل كل ده؟".
