نعا معتصم، نجل الفنان الراحل طارق عبدالعزيز والده عبر حسابه بموقع التواصل الاجتماعي "فيسبوك"، بكلمات مؤثرة في أول عيد أضحى بدونه.
هموت وأترمي في حضنك
ونشر معتصم، نجل الفنان الراحل طارق عبدالعزيز، صورة مرسومة لوالده معلقًا: "السنة دي غريبة يا حاج، متعجب من الصبر اللي ربنا رازقني بيه على فراقك مع إني هموت وأترمي في حضنك، يمكن من كتر دعوات حبايبك بإن ربنا يصبرنا، مصبرنا يا حبيبي مصبرنا يا أبويا لحد ما نقابلك على خير".
وأضاف قائلًا: "مش عارف إنت كنت شايل كل ده إزاي لوحدك بس يكفي إني عارف إجابتك، هو أنا بعمل حاجة يا ابني، ده ربنا اللي بيعمل كل حاجة، عيدك في الجنة أحلى بإذن الله يا عم الدنيا، اللهم تقبل دعواتنا واجعلها مثقلة لميزانه بالحسنات وارحمه واغفر له واجمعنا به وبكل أحبابنا على خير يا رب العالمين".
