قالت الفنانة دينا، إن كل الناس عندها خوف من ربنا وبتغلط وعندها التقوى والإيمان وبيغلطوا، ومن ضمن المصيبة إن الناس متخيلة إن الراقصة لا تخشى الله، أو حتى المغنى أو الممثلة.
وأضاف دينا خلال استضافتها ببرنامج "ع المسرح" الذى تقدمه الإعلامية منى عبدالوهاب، والمذاع على قناة "الحياة": قلت "فالله خير حافظ وهو أرحم الراحمين" فبقيت ترند مش عارفة ليه، وبقول الآيات المنجيات وآية الكرسى قبل ما أنزل من بيتنا".
تابعت، "عمرى ما حكمت على حد بحاجة، هما حرين يفكروا زى ما هما عاوزين وانا حرة أعمل اللى عاوزاه وفى الآخر مافيش بينا حاجة، ومحدش هيمنعنى أقول إيه ومش هيفرق معايا حاجة.
ولفتت إلى أن "سلاف فواخرجى قالت ربنا أكرم من أنه يكون عنده جنة ونار فرديت عليها: "دا تهريج لأن الجنة والنار مذكورين فى القرآن، والأخير لا يتغير ومينفعش نلعب فى معانى، ولا نخرج تصريح منافى للدين، والأفضل لا تتدخلى فى الدين، ومش عارفة متقوليش سيبى الأمر للمفتى".
