كشفت الفنانة الراحلة فاتن حمامة كواليس من فيلم "دعاء الكروان"، الذي تم إنتاجه عام 1959، وكيف استفادت من المرأة البدوية في تفاصيل شخصيتها التي قدمتها خلال الفيلم.
وقالت فاتن حمامة، خلال لقاء تليفزيوني قديم لها: وقت ما عملت "دعاء الكروان" أول ما إبتديت مكنتش لاقية نفسي.. وجابولنا واحد من القري اللي هناك دي يفضل معانا داخل البلاتوه، لأن اللهجة كنت خايفة منها.. التعبير.. الحركات".
وأضافت: "قبل ما أصور الفيلم روحنا علي الصعيد أو علي القري بعد الفيوم اللي فيها الناس دي وكنا بنقعد مع البدو الرحالة في خيامهم، طبعا ناس كرمة جدًا بيقعدوك علي أغلي ما عندهم، لاحظت الستات أول ما اسألها سؤال تداري فمها بالطرحة وتضحك أو تتكلم وهي تغطئه، ولقطت دي بسرعة، روحنا تلات أربع أيام وأول ما صورنا كنا هناك.. ومع الجو اللي حواليك والجو اللي أنت فيه بتديلك إحساس بالرواية".
فيلم "دعاء الكروان"، جاء في الترتيب السادس في قائمة أفضل عشرة أفلام في تاريخ السينما المصرية، وهو عن رواية للدكتور طه حسين، بنفس الاسم.
أبطال الفيلم
الفيلم بطولة أحمد مظهر، وفاتن حمامة، وأمينة رزق، وزهرة العلا، وعبدالعليم خطاب، ورجاء الجداوي، وهو من إخراج هنري بركات.
