شاركت الفنانة هلا رشدي متابعيها عبر صفحتها الشخصية بموقع "إنستجرام"، بصورة جمعتها ببيج رامي، لاعب كمال الأجسام، في إحدى الصالات الرياضية.
وعلقت هلا رشدي على الصورة قائلة: "ده مش بيج رامي، دا القلب الكبير، راجل في منتهى الأخلاق والأدب والخجل والتواضع اللي في الدنيا.. يا نهار أبيض وهوه جايلي إحنا بنحب حضرتك جدًا قولتله: حضرتي مين!! ده أنا كنت خايفه آجي أسلم عليك إكمنك بيج رامي بقى وأنا سمول هلا وكده.. قالي: لا العفو..أنا لما عرفت إنك هنا في الچيم كنت عايز أقابلك عشان أقولك إن إحنا بنحبك جدًا وربنا يحفظك ويخليكي لينا ويزيدك ويوفقك كمان وكمان.. فيه كده طيب؟؟".
وأضافت: "بنحبك يا بيج رامي يا محترم يا راقي يا مشرفنا ربنا يباركلك في كل أمورك وفي عضلاتك يا غالي".
في الوقت نفسه رد بيج رامي: “ربنا يسعد قلبكم والله شرف كبير إني قابلتكم وربنا يسعدك دايمًا زي ما بتفرحي كل الناس”.
هلا رشدي في مهرجان العلمين
من ناحية أخرى، شاركت الفنانة هلا رشدي منذ أيام مع الفنان حميد الشاعري حفلته الأخيرة المقامة ضمن فعاليات مهرجان العلمين الجديد، وقدمت معه ديو "راحل معايا الليل"، وقدما حفلًا غنائيًا ناجحًا وشهد إقبالًا جماهيريًا، كما شارك أيضًا الفنان الشاب هيثم نبيل.
